Red Riding Hood

Í myndinni Rauðhetta leikur Amanda Seyfried Valerie, unga fallega stúlku. Hún er ástfangin af utangarðsmanni, Peter (Shiloh Fernandez),en foreldrar hennar hafa ákveðið að hún giftist hinum forríka Henry (Max Irons). Valerie og Peter vilja ekki missa hvort annað og hafa ákveðið að flýja saman þegar þau komast að því að eldri systir Valerie hefur verið myrt af varúlfi sem eigrar um skógana í nágrenninu.

Árum saman hafa þorpsbúar haldið friðinn við skepnuna með mánaðarlegum dýrafórnum. En undir blóðrauðu tungli hefur úlfurinn hækkað viðmiðið í mannslíf. Þorpsbúa hungrar í hefnd og kalla til liðs við sig hinn fræga varúlfabana, föður Solomon (Gary Oldman), til að aðstoða við að drepa úlfinn. En koma hans veldur miklum flækjum þegar hann bendir þorpsbúum á að úlfurinn, sem tekur á sig mannsmynd á daginn gæti verið einn af þeim. Þegar tala látinna hækkar við hvert fullt tungl fer Valerie að gruna að varúlfurinn geti verið einhver sem hún elskar. Meðan óttinn grípur þorpsbúa uppgötvar Valerie að hún hefur undarleg tengsl við skepnuna, sem dregur þau saman. Þannig verða þau bæði grunuð...og beita.