Olympus Has Fallen

Hryðjuverkamenn sem búa yfir öflugum vopnum og enn meiri kunnáttu ráðast á Hvíta húsið með góðum árangri. Þeir fella flesta öryggisverði og ná forseta Bandaríkjanna á sitt vald. Fyrir glæpamönnunum fer hinn snjalli Kang og það verður fljótlega ljóst að árásin á forsetabústaðinn er bara fyrsti liðurinn í áformum hans. En Kang gerði ekki ráð fyrir einu. Hann veit ekki að einn af öryggisvörðunum, Mike Banning, er enn á lífi í húsinu og hefur ekki hugsað sér að gefast upp fyrr en í fulla hnefana. Myndinni er leikstýrt af sama manni og gerði m.a. hina marglofuðu Training Day. Skotheld spennumynd frá byrjun til enda.