Leita

Saga hinna Eilífu, sem er kynþáttur ódauðlegra geimvera, sem lifað hafa í leyni á Jörðinni og mótað sögu hennar og menningu í þúsundir ára. Eftir atburðina í Avengers: Endgame, þá verður óvæntur harmleikur til þess að hin Eilífu þurfa að koma út úr myrkrinu og berjast ásamt mannkyninu við sameiginlegan óvin.

Unglingur sem varð vitni að morði er eltur af leigumorðingjum í óbyggðum Montana í Bandaríkjunum. Honum til verndar er sérfræðingur í að lifa af úti í náttúrunni. Á sama tíma kvikna skógareldar sem gætu gleypt þá alla.

Það reynir á sambandið milli Maleficent og guðdóttur hennar Auroru prinsessu, vegna yfirvofandi brúðkaups, óvæntra bandamanna og nýrra myrkra ógna.

Þegar löngu týndur faðir Po birtist skyndilega, þá fara þeir feðgar saman til leynilegrar pöndu paradísar til að hitta allskonar skemmtilegar pöndur. En þegar hinn yfirnáttúrulegi þorpari Kai byrjar að herja á alla kung fu meistara í Kína, þá þarf Po að gera hið ómögulega, að þjálfa þorp fullt af öðrum pöndum til að verða kung fu pönduher.

Hér segir frá sannri sögu ólympíukappans Louis Zamperini sem keppti á Ólympíleikinum í Berlin 1936. Herflugvél hans hrapaði síðar í Kyrrahafið og eftir langar hrakningar, án vatns og matar, á hafi úti skolaði hann á land í Japan, handan víglínunnar. Þar er hann handsamaður ásamt tveimur félögum sínum og við tók þá dvöl í fangabúðum.

Myndin er nefnd eftir aðalpersónunni, illu norninni Maleficent, sem lagði þau álög á Þyrnirós að áður en sólin gengi til viðar á 16 ára afmælisdegi hennar myndi hún stinga sig á snældu og deyja.

Po er að upplifa draum sinn sem drekastríðsmaður og vernda Dal Friðarins með vinum sínum og kung fu meisturum, fimm fræknu, Tígru, Trana, Padda, Nöðru og Apa. En frábæra nýja lífinu hans Po er ógnað af ægilegu illmenni sem ætlar að nýta sér gamalt leyndarmál, óstöðvandi vopn til að sigra Kína og uppræta Kung Fu.