Leita

Clémentine Margaine syngur hlutverk frægasta tálkvendis óperusögunnar á móti Roberto Alagna, sem heillaði áhorfendur Met í hlutverki Dons José árið 2010. Louis Langrée stjórnar hljómsveitinni, en þessi þekkta uppfærsla Sir Richards Eyre er í miklu uppáhaldi hjá Met.

Þessi ópera Saint-Saëns byggir á biblíusögunni um Samson og Dalílu og hér fara Elīna Garanča og Roberto Alagna með titilhlutverkin, en aðdáendur Met í HD sáu þau síðast syngja saman í Carmen eftir Bizet árið 2010. Laurent Naouri leikur æðsta prestinn, Elchin Azizov leikur Abimélech, konung Filista, og Dmitry Belosselskiy leikur gamla Hebreann.

Þessi uppfærsla Anthonys Minghella hefur gagntekið áhorfendur alveg síðan hún var frumsýnd árið 2006. Kristine Opolais tekur að sér titilhlutverkið og hefur hlotið einróma lof fyrir túlkun sína á geisjunni forsmáðu.

Sígild verismo-raunsæistónlist Puccinis er hér í góðum höndum stórbrotinna söngvara. Patricia Racette leikur afbrýðisömu dívuna og Roberto Alagna leikur Cavaradossi, elskhuga hennar. George Gagnidze leikur hinn illa Scarpia.

Ógleymanleg uppfærsla Metropolitan-óperunnar á dramatísku stórvirki Verdis sem gerist í Egyptalandi til forna. Liudmyla Monastyrska fer með hlutverk eþíópísku prinsessunnar sem festist í ástarþríhyrningi með hinum hetjulega Radamés og stoltu egypsku prinsessunni Amneris, en Roberto Alagna og Olga Borodina fara með hlutverk þeirra.

Leikstjórinn Nicholas Hytner þreytir hér frumraun sína fyrir Metropolitan með nýrri uppfærslu á dýpstu, fallegustu og metnaðarfyllstu óperu Verdis. Roberto Alagna fer fyrir leikhópnum en Ferruccio Furlanetto, Marina Poplavskaya, Anna Smirnova og Simon Keenlyside fara einnig með stór hlutverk.