Leita

Hinn ungi Willy Wonka leggur af stað í þá vegferð að breiða út gleði í gegnum súkkulaði, og slær fljótlega í gegn.

Þegar töfraloftsteinn lendir í Ævintýraborg gefur það Hvolpasveitarhvolpunum ofurkrafta og umbreytir þeim í Ofurhvolpa!

Hin sextán ára gamla Ruby Gillman kemst að því að hún tilheyrir goðsagnakenndri neðansjávar konungsfjölskyldu risasjóskrímsla. Örlög hennar breytast við þetta og verða meiri og stærri en hún gat nokkurn tímann gert sér í hugarlund.

Ólíklegt par, Ember og Wade, ferðast í borg þar sem elds-, vatns-, land- og loftbúar búa saman. Eldgjarna unga konan og gaurinn sem er í takt við flæðið eru að fara að uppgötva eitthvað frumlegt: hversu mikið þau eiga sameiginlegt.

Stígvélaði kötturinn sér að ástríða hans fyrir ævintýrum er farin að taka sinn toll: Hann hefur eytt átta af níu lífum sínum. Hann fer nú í ævintýraferð til að finna hina goðsagnakenndu Síðustu Ósk til að endurheimta öll níu lífin sín.

Hin goðsagnakenndu Clades eru landkönnunarfjölskylda. Misklíð milli þeirra gæti sett strik í reikning væntanlegs leiðangurs sem er jafnframt sá mikilvægasti til þessa.

Þegar foreldrar Alan skilja neyðist hann til að flytja í glænýjan bæ með föður sínum. Þar kynnist hann Helga sem er mikill áhugamaður um fljúgandi furðuhluti. Ekki líður að löngu að geimveran Margrét nauðlendir á leikvellinum hjá Alan og með þeim myndast mikil vinátta. Alan er staðráðin í að hjálpa Margréti að komast aftur til síns heima.

Saga tólf ára stráks sem á sér þann draum helstan að verða heimsins mesti ofurþorpari.

Hinni sextán ára gömlu Georgia Nolan dreymir um að verða fyrsti kvenkyns slökkviliðsmaðurinn. Þegar dularfullur brennuvargur byrjar að kveikja í á Broadway, þá hverfa slökkviliðsmenn New York borgar einn af öðrum. Faðir Georgiu, Shawn, er farinn á ellilaun en er kallaður aftur til starfa til að fara fyrir rannsókn á hvarfi mannanna.

Hundurinn Klandri býr við lúxus og dekur allt þar til eigandi hans deyr. Nú þarf hann að fara út í lífið og þar er ekki tekið á honum með neinum silkihönskum. Hann hittir stelpu með stóra drauma, en enga peninga til að láta þá verða að veruleika. Lífið er framundan en ekki án erfiðleika.

Buster Moon og vinir hans þurfa að reyna að sannfæra rokkstjörnuna Clay Calloway, sem hefur lifað einsetulífi um langa hríð, um að ganga til liðs við sönghópinn í tilefni af nýrri sýningu sem er væntanleg á fjalirnar.

Morticia og Gomes eru leið yfir því að börnin þeirra eru að vaxa úr grasi, eru hætt að vera með á matmálstímum og eru algjörlega niðursokkin í "Ótíma", eða "Scream Time". Til að styrkja fjölskylduböndin þá ákveða þau að troða Wednesday, Pugsley, Fester frænda og liðinu inn í ferðavagn og fara í ferðalag í eitt lokaskipti...

Kappi og hvolparnir eru fengnir til að koma til Ævintýraborgar til að hindra erkióvin sinn, Sigurvissan borgarstjóra, í að skapa glundroða í borginni.

Stríðsmaðurinn Raya er staðráðin í að finna síðasta drekann í Lumandra, jörð sem byggð er af fornri menningarþjóð.

Þegar eitt af hreindýrum Jólasveinsins tilkynnir að hann ætli að setjast í helgan stein þann 21. desember, þá hefur smáhestur þrjá daga til að láta draum sinn um að draga sleða Jólasveinsins rætast.

Eldri borgararnir Hófí og Pétur eru olnbogabörn í kerfi sem hefur lítið gagn af þeim lengur. Þau eru orðin leið á aðbúnaðinum á elliheimilinu og ræna banka til að hafa efni á að kaupa sér litla íbúð. Ýmis ljón eru í vegi þeirra og Hófí og Pétri lendir saman við harðasta handrukkara bæjarins og skósveina hans.

Sprettur er heimskautarefur sem vinnur á pósthúsi á Norðurpólnum og dreymir um að verða sjálfur sendill en það er starf sem aðeins sterkustu husky-hundarnir eru taldir hæfir til að gegna.

Myndin er 44 mínútur, er sýnd hlélaus og með hljóðið lægra stillt en vanalega, sem gerir þetta fullkomið tækifæri fyrir yngstu kynslóðina að fara í bíó í fyrsta sinn. Miðaverð 850 kr.

Munaðarlaus drengur leitar upprunans. Ungri prinsessu er haldið fanginni í hinni stórhættulegu Dragon borg. Jim og vinur hans Luke uppgötva dularfull lönd á ævintýralegu ferðalagi sínu. Myndin er sýnd með íslensku tali

Hin illa norn Dellamorta lagði bölvun á Rose prinsessu þegar hún var barn að aldri. Rose verður stungin í fingurinn af hvössum hlut áður en hún nær 18 ára aldri, og hún og allur kastalinn munu detta í 100 ára langan svefn, nema hún verði kysst af manni sem elskar hana af heilum hug.

Toto er lítill hani með stóra drauma sem lifir heldur óviðburðarríku lífi á skrautlegum bóndabæ. Hingað til hefur hann gegnt því hlutverki að gala á morgnanna en fljótlega á sá hljómur eftir að gjörbreytast þegar illur bóndi hótar að eyðileggja lífið á heimabýlinu. Hann skorar á besta hanann á býlinu til að keppa á móti verðlaunahananum hans.

Við kynnumst hér kettlingi einum sem lendir á vergangi þegar vondur eigandi hans ákveður að losa sig við hann. Kettlingurinn kann auðvitað lítið á veröldina og þegar mikið þrumuveður skellur á leitar hann skjóls við dularfullt hús sem við fyrstu sýn virðist autt.

Póstinn Pál langar til að bjóða eiginkonu sinni til Ítalíu í sumarfrí en þegar nýi yfirmaðurinn hans hættir við að borga út launabónusinn verður Páll að finna aðra leið til að borga fyrir ferðina.Páll verður auðvitað fyrir miklum vonbrigðum þegar hann kemst að því að launabónusinn verður ekki borgaður út enda var hann búinn að lofa eiginkonu sinni Ítalíuferðinni.

Jónsi og riddarareglan er teiknimynd um hinn unga Jónsa sem dreymir um að verða riddari en þarf fyrst að sanna að hann verðskuldi nafnbótina.

Hross í oss fléttar saman sögur af lífsbaráttunni, viðureign mannsins við náttúruna og tilraunum hans til að beisla dýrslega krafta sköpunarverksins til sinnar eigin upphefðar, eða glötunar. Kvikmyndin er grimm sveitarómantík um manninn í hrossinu og hrossið í manninum.