Eugene Onegin (Tchaikovsky)

Anna Netrebko og Mariusz Kwiecien fara með hlutverk hinnar ástríku Tatjönu og hins hrokafulla Onegíns í rómantísku stórverki Tsjajkovskís. Í nýrri sviðsetningu Deboruh Warner er atburðarásin færð til loka 19. aldar. Sagan færist úr sveitabænum yfir í veislusalinn og kraftmikill snjóbylur veitir dramatíska umgjörð fyrir lokaþáttinn. Piotr Beczala fer með hlutverk Lenskís, fyrrum vinar Onegíns, sem verður hans helsti andstæðingur. Rússneski meistarinn Valery Gergiev stjórnar hljómsveitinni.