La Bohème

Hópur ungra og spennandi söngvara fer með aðalhlutverkin í sígildri uppfærslu Francos Zeffirelli á La Bohème, en engin ópera hefur verið flutt oftar í sögu Met. Sonya Yoncheva fer með hlutverk Mimì og Michael Fabiano leikur ástríðufulla rithöfundinn Rodolfo. Susanna Phillips snýr aftur í hlutverki hinnar daðurgjörnu Musettu og Lucas Meachem fer með hlutverk elskhuga hennar, listmálarans Marcellos. Á meðal annarra söngvara má nefna Alexey Lavrov, Matthew Rose og Paul Plishka. Marco Armiliato stýrir hljómsveitinni.