Tulipop Vetrarsaga

Það eru vetrarsólstöður á Tulipop eyjunni, magnaðasta nótt ársins! Vinirnir Freddi, Gló, Búi og Maddý eru samkvæmt hefðinni búin að óska sér og bíða spennt eftir heimsókn og gjöfum frá Snjóku. En gjafirnar reynast furðulegar og vinirnir halda af stað í spennandi leiðangur til Skýjaborgar til að reyna að bjarga Vetrarhátíðinni!

Vetrarsaga er nýtt töfrandi íslenskt ævinýri og fyrsta bíómyndin sem byggir á vinsæla íslenska ævintýraheiminum, Tulipop. Tulipop heimurinn og vinirnir Búi, Gló, Freddi og Maddý eru íslenskum börnum og fjölskyldum að góðu kunn en teiknimyndaþáttaröðin Ævintýri Tulipop hefur slegið í gegn í Sjónvarpi Símans Premium og á RÚV.