Óperur

Yannick Nézet-Séguin, tónlistarstjóri Met, stjórnar hljómsveitinni í þessum sígilda harmleik Verdis. Leikstjórnin er í höndum Michaels Mayer og glæsileg 18. aldar leikmyndin breytist með árstíðunum. Diana Damrau syngur hlutverk harmrænu hetjunnar Violettu og Juan Diego Flórez leikur Alfredo elskhuga hennar.

Anna Netrebko tekur hér í fyrsta sinn að sér hlutverk Adriönu Lecouvreur, frægrar leikkonu á 18. öld sem fellur fyrir stríðshetjunni Maurizio, en Piotr Beczała syngur hlutverk hans. Gianandrea Noseda stjórnar hljómsveitinni í þessum harmleik eftir Cilea og Sir David McVicar leikstýrir, en sviðið er að hluta til endurgerð af barokkleikhúsi.

Clémentine Margaine syngur hlutverk frægasta tálkvendis óperusögunnar á móti Roberto Alagna, sem heillaði áhorfendur Met í hlutverki Dons José árið 2010. Louis Langrée stjórnar hljómsveitinni, en þessi þekkta uppfærsla Sir Richards Eyre er í miklu uppáhaldi hjá Met.

Bel canto-stjörnurnar Pretty Yende og Javier Camarena taka höndum saman fyrir sannkallaða flugeldasýningu á sviði Met. Maurizio Muraro fer með hlutverk Sulpice og Stephanie Blythe leikur sérkennilegu markgreifafrúna frá Berkenfield. Enrique Mazzola stjórnar hljómsveitinni.

Í þessum öðrum hluta Niflungahrings Wagners syngur Christine Goerke hlutverk valkyrjunnar Brynhildar, sem kemst í hann krappan þegar hún tekur að sér að vernda tvíburana Sigmund og Signýju að skipun Óðins. Stuart Skelton og Eva-Maria Westbroek fara með hlutverk tvíburanna og Philippe Jordan stjórnar hljómsveitinni.