Sambíóin hefja á ný sýningar á uppfærslum Metropolitan óperunnar í endurbættu Kringlubíói nú í janúar. Um er að ræða beinar útsendingar frá þessu merka óperuhúsi, sem varpað er til 50 landa um allan heim og eftir tímabundið hlé er Ísland aftur komið í hóp þeirra 1.740 bíóhúsa sem sýna óperurnar.   

Sambíóin Kringlunni opnuðu aftur í desember eftir umfangsmiklar breytingar, sem náðu meðal annars til hljóðkerfisins í sölum hússins  og er því vel við hæfi að bjóða Metropolitan óperusýningarnar aftur velkomnar á svið í endurbættu Kringlubíó.

Sýningar Metropolitan óperunnar eru hver um sig metnaðarfullur menningarviðburður og hafa Sambíóin tekið þátt í að miðla þeim í beinum útsendingum síðan 2010. Meðal íslenskra óperusöngvara sem sungið hafa í óperuuppfærslum á sviði Metropolitan eru Dísella Lárusdóttir, Kristinn Sigmundsson og Kristján Jóhannsson.

Tryggðu þér miða hér fyrir neðan: