Leita

Regína er ósköp venjulega 10 ára stelpa í Reykjavík en uppgötvar dag einn að hún getur látið alls konar hluti gerast ef hún syngur um þá. Regína og Pétur vinur hennar taka saman höndum og hrinda af stað áætlun, sem varðar framtíð þeirra og foreldra þeirra.

Tvær táningsstúlkur ásamt föður þeirra komast í hann krappann þegar gríðarstórt ljón ákveður að sýna þeim hvaða dýr sé efst í fæðukeðjunni á grassléttunni.

Agnes er ung vinnukona í vist á setri sýslumanns. Hún býr yfir frjálslegu fasi og fegurð sem vekur bæði fýsn og fordóma yfirboðara hennar. Hún fellur fyrir Natani Ketilssyni sem er djarftækur kvennamaður og sjálfmenntaður lyflæknir.

Myndin byggð á sannri sögu þeirra Tamiar Ashcraft og Richards Sharp sem hittust árið 1983 og féllu hvort fyrir öðru. Nokkrum mánuðum síðar, eða í október sama ár, tóku þau að sér að sigla 44 feta skútu, Hazana, frá Tahiti-eyju í Pólýnesíu til viðtakenda í San Diego, um 6.500 kílómetra leið yfir opið Kyrrahafið. Það reyndist feigðarför.

Myndin byggir á sannsögulegum atburðum um tilraun til að komast á tind hæsta fjalls í heimi, Everest. Sagt er frá tveimur leiðöngrum sem lenda í einum versta snjóbyl sem sögur fara af.

2 Guns er nýjasta Hollywood-mynd Baltasars Kormáks og það eru stjórstjörnurnar Denzel Washington og Mark Wahlberg (sem vinnur hér með Baltasari í annað sinn) sem fara fyrir úrvalsliði leikara.

Baltasar Kormákur og Mark Wahlberg leiða saman hesta sína í CONTRABAND, sem er endurgerð íslensku kvikmyndarinnar Reykjavík-Rotterdam. Chris Farraday (Wahlberg) er smyglari sem hefur snúið blaðinu við og stofnað til fjölskyldu.