Leita

Þetta er í fyrsta sinn sem ópera Händels um launráð og ósóma í Róm til forna verður sett á svið hjá Met, en Joyce DiDonato fer með hlutverk hinnar stjórnsömu og valdsjúku Agrippinu og Harry Bicket stjórnar hljómsveitinni. Þessi uppfærsla Sir Davids McVicar færir svörtu kómedíuna um misbeitingu valds til nútímans, enda á sagan vel við í dag.

Óperan sem sigraði Lundúnir á tímum Händels lifnar hér við í líflegri uppfærslu Davids McVicar. Heimsins færasti kontratenór, David Daniels, fer með titilhlutverkið og Natalie Dessay er ómótstæðileg og framandi Kleópatra. Barokksérfræðingurinn Harry Bicket stjórnar hljómsveitinni.

Hin stórsnjalla Elina Garanča fer með hlutverk Sesto í þessari dramatísku óperu Mozarts sem gerist í Róm til forna. Giuseppe Filanoti leikur hinn göfuglynda Tito og Barbara Frittoli leikur Vitelliu í þessari glæsilegu endurvakningu á einu síðasta meistaraverki tónskáldsins. Harry Bicket stjórnar hljómsveitinni.