Leita

Framhald myndarinnar Hótel Transylvanía, sem sló óvænt í gegn árið 2012. Að þessu sinni virðist allt vera á réttri leið á hótelinu, sem var fyrst einungis fyrir skrímsli en hefur nú verið opnað mönnum líka. En Drakúla hefur þungar áhyggjur!

Geimverur mistúlka myndbansupptökur af sígildum tölvuleikum úr spilakössum og líta á þær sem stríðsyfirlýsingu. Þær ráðast á Jörðina og nota leikina sem fyrirmyndir fjölbreyttra árása. Will Cooper forseti hringir í besta vin sinn síðan hann var lítill, Jules Brenner sem var tölvuleikjahetja 9. áratugarins og starfar nú við að setja upp heimabíó.

Blended segir frá því þegar einstæðu foreldrarnir Lauren, sem Barrymore leikur, og Jim, sem Sandler leikur, fara á misheppnað blint stefnumót og ákveða eftir það að hittast aldrei nokkurn tímann aftur.

Adam Sandler leikur aðahlutverkin í Jack and Jill, nýju grínmyndinni frá Happy Madison teyminu (Just Go With It, Grown Ups). Jack lifir svo til fullkomnu lífi; farsæll auglýsingamaður sem hefur það gott í Los Angeles ásamt gullfallegri eiginkonu sinni (Katie Holmes) og börnum.

Í þessari bráðskemmtilegu gamanmynd leikur Adam Sandler lýtalækni sem fellur fyrir mun yngri og sérstaklega glæsilegri konu. Hann fær hundtrygga aðstoðarkonu sína (Jennifer Aniston) til að þykjast vera fyrrverandi kona sín til að breiða yfir klaufalega lygi.