Leita

Anna Netrebko tekur hér í fyrsta sinn að sér hlutverk Adriönu Lecouvreur, frægrar leikkonu á 18. öld sem fellur fyrir stríðshetjunni Maurizio, en Piotr Beczała syngur hlutverk hans. Gianandrea Noseda stjórnar hljómsveitinni í þessum harmleik eftir Cilea og Sir David McVicar leikstýrir, en sviðið er að hluta til endurgerð af barokkleikhúsi.

Sópransöngkonan Anna Netrebko tekst í fyrsta sinn á við hlutverk Aidu fyrir Met og Anita Rachvelishvili syngur hlutverk Amneris, fjandkonu hennar. Aleksandrs Antonenko leikur stríðskappann Radamès og Nicola Luisotti stjórnar hljómsveitinni í uppsetningu sem er sannkallað stórvirki.

Töfrandi uppfærsla Richards Eyre á melódrama Bizets snýr aftur og Anita Rachvelishvili, messósópran, fer með hlutverk sígaunastúlkunnar ógæfusömu. Aleksandrs Antonenko leikur örvilnaðan ástmann hennar, Don José, og Ildar Abdrazakov leikur nautabanann Escamillo, sem kemur upp á milli þeirra.