Leita

Leikárið hefst með nýrri uppfærslu á bel canto harmleiknum Normu eftir Bellini. Sondra Radvanovsky fer með aðalhlutverkið, en hún hefur vakið mikla lukku í hlutverki Normu fyrir Met og fjölmarga fleiri á undanförnum árum, svo óhætt er að segja að túlkun hennar sé í algjörum sérflokki í heiminum í dag.

Stjörnusópransöngkonan Anna Netrebko sýnir einstaka túlkun á hlutverki hinnar grimmu lafði Makbeð og Željko Lučić fer með titilhlutverkið í fyrsta sinn fyrir Metropolitan. Í nístandi uppfærslu Adrians Noble á stórkostlegri aðlögun Verdis á harmleik Shakespeares fer Joseph Calleja með hlutverk hins göfuga Makdufs og René Pape leikur Bankó.