Leita

Heillandi ópera Zandonais, sem er innblásin af Inferno Dantes, snýr aftur á svið Metropolitan-óperunnar í glæsilegri uppfærslu sem síðast var sett á svið árið 1986. Sópransöngkonan Eva-Maria Westbroek og tenórinn Marcello Giordani fara með hlutverk gæfulausu elskendanna og Marco Armiliato er hljómsveitarstjóri.

Hér býðst einstakt tækifæri til að fylgjast með umfangsmikilli og epískri óperu Berlioz sem síðast var sett upp hjá Metropolitan-óperunni árið 2003. Deborah Voigt, Susan Graham, Marcello Giordani og Dwayne Croft fara með aðalhlutverkin og leika persónur úr Trójustríðinu. Aðalstjórnandinn Fabio Luisi stýrir stórfelldum hljómsveitarskaranum.

Guiseppe Tornatore þarf ekki að kynna fyrir íslenskum áhugamönnum um kvikmyndir. Þrjátíu og þriggja ára gamall gerði hann meistaraverkið Paradísarbíóið sem vann verðlaun sem besta erlenda myndin in á óskarsverðlaunum 1988. Tornatore færir okkur aftur til Sikileyja uppvaxtarára sinna á sinn einstaka hátt.

Þessi ópera Puccinis úr villta vestrinu var heimsfrumsýnd í Metropolitan árið 1910 og verður nú sett upp aftur í tilefni aldarafmælisins. Bandaríska dívan Deborah Voigt fer með hlutverk ,,stúlkunnar frá gyllta vestrinu“ og hitt aðalhlutverkið er í höndum Marcellos Giordani. Hljómsveitarstjórinn er Nicola Luisotti.