Leita

Höfundur: Luigi Cherubini Upptaka frá 22. október

Bartlett Sher leikstýrir gamanóperu Donizettis um Ástardrykkinn og Domingo Hindoyan stýrir hljómsveitinni í fyrsta sinn fyrir Met. Pretty Yende fer með hlutverk hinnar líflegu Adinu og Matthew Polenzani leikur Nemorino, fábrotna bóndann sem fellur fyrir henni.

Fyrsta óperumeistaraverk Mozarts snýr aftur á fjalir Metropolitan með klassískri uppfærslu Jean-Pierre Ponnelle, undir hljómsveitarstjórn James Levine. Meðal stórkostlegra söngvara í sýningunni má nefna Matthew Polenzani, sem fer með hlutverk konungsins, og Alice Coote, sem leikur göfuglyndan son hans, Idamante.

Sondra Radvanovsky lýkur þeirri einstöku áskorun að flytja hlutverk allra þriggja Tudor-drottninga Donizettis á einu leikári. Hér er hún í hlutverki Elísabetar 1. drottningar, sem neyðist til að skrifa undir dauðadóm mannsins sem hún elskar, Roberts Devereux, en Matthew Polenzani fer með hlutverk hans.

Þessi stórkostlega ópera Bizets um losta og þrá í Austurlöndum fjær kemst nú aftur á fjalirnar hjá Met eftir aldarlanga hvíld. Sópransöngkonan Diana Damrau fer með hlutverk Leïlu, fallegu hofgyðjunnar sem þarf að horfa upp á tvo perlukafara keppa um hylli hennar.

Tónlistarstjórinn James Levine tekur loksins aftur við hljómsveitarstjórninni til að stýra þessari ástsælu óperu Mozarts um þolmörk ástarinnar.

Anna Netrebko og Matthew Polenzani fara með hlutverk hinnar hverflyndu Adinu og hins ástfangna Nemorinos í nýrri uppfærslu Bartletts Sher á einni merkustu gamanóperu sögunnar. Mariusz Kwiecien leikur hinn rostafengna Belcore liðþjálfa og Ambrogio Maestri leikur Dulcamara, skemmtilega skottulækninn sem útbýr ástarelixírinn.

Natalie Dessay klæðist rauða kjólnum í þessari heillandi uppfærslu Willys Decker en hún hefur aldrei áður farið með hlutverk Violettu. Matthew Polenzani fer með hlutverk Alfredos, Dmitri Hvorostovsky leikur Germont og gestastjórnandinn Fabio Luisi stýrir hljómsveitinni.

Mariusz Kwiecien sýnir hér líflega og munúðarfulla túlkun sína á sígildri andhetju Mozarts í fyrsta sinn fyrir Metropolitan í leikstjórn Tony-verðlaunahafans Michaels Grandage undir hljómsveitarstjórn James Levine.

Við opnunarhátíð leikársins 2008-2009 heillaði Renée Fleming alla viðstadda upp úr skónum þegar hún söng lokaatriðið í þessari einstöku hugleiðingu Strauss um listina og lífið. Nú flytur hún allt verkið, þar sem tónskáldið veltir fyrir sér eðli sjálfrar óperunnar.