Leita

Með öll þau vopn í höndunum sem þeir geta komist yfir og getuna til að nota þau er The Expendables hópurinn síðasta von heimsins. Þeir eru teymið sem kallað er á þegar öll önnur úrræði hafa brugðist. En nýir meðlimir hafa nýjar venjur og aðferðir og "nýtt blóð" fær nú allt aðra og nýja þýðingu.

Peter Quill sem er enn að jafna sig eftir missi Gamoru, safnar hópnum saman til að verja alheiminn, en verkefnið gæti þýtt endalok Verndara Vetrarbrautarinnar ef það tekst ekki.

Ofur-þrjótarnir Harley Quinn, Bloodsport, Peacemaker og samansafn tugthússlima í Belle Reve fangelsinu ganga til liðs við hina háleynilegu, en vafasömu, X sérsveit, þar sem þau fá alvöru vopn upp í hendurnar og er hent út á eyjunni Corto Maltese, þar sem óvinir leynast við hvert fótmál.

Vonir Johns Rambo um að fara að geta tekið því rólega á fjölskyldubúgarðinum fara fyrir lítið þegar ungri frænku hans er rænt af mexíkósku glæpagengi og hann neyðist til að fara til Mexíkó til að frelsa hana úr prísundinni áður en það er of seint.

Hinn nýkrýndi heimsmeistari í léttþungavigt, Adonis Creed, berst við Viktor Drago, son Ivan Drago, og nýtur leiðsagnar og þjálfunar Rocky Balboa.

Í myndinni halda útverðir alheimsins áfram að ferðast um alheiminn. Þau þurfa að passa upp á hópinn, og leysa ráðgátuna um foreldra Peter Quill. Gamlir óvinir verða bandamenn, og þekktar persónur úr teiknimyndaheimi Marvel koma hetjunum til bjargar.

Adonis Johnson þekkti aldrei hinn vel þekkta föður sinn Apollo Creed, þar sem han dó í hnefaleikahringnum áður en Johnson fæddist. En hann er með hnefaleikana í blóðinu eins og faðir hans, og fer til Philadelphia til að biðja Rocky Balboa að gerast þjálfari sinn.

Henry "Razor" Sharp og Billy "The Kid" McDonnen, börðust tvisvar þegar þeir voru ungir og þeir unnu hvor sinn sigurinn, en þriðji bardaginn, úrslitaviðureignin, átti sér aldrei stað. Síðan er spólað áfram um 30 ár og gömlu óvinirnir, sem leiknir eru af Stallone og De Niro, koma saman til að slást í síðasta skipti í úrslitabardaga.

Fyrrverandi fíkniefnalögreglumaður flytur með unga dóttur sína til lítils bæjar þar sem hann kemst fljótlega upp á kant við stórhættulegan krakkframleiðanda.

Ray Breslin er heimsins mesti sérfræðingur í öryggisfangelsum. Eftir að hafa greint hvert einasta öryggisfangelsi sem til er og lært margskonar úrræði til að lifa af við erfiðar aðstæður, til að hann geti betur hannað fangelsi sem ómögulegt er að strjúka úr, þá reynir á hann fyrir alvöru.

Bullet To The Head er glæný hasarmynd sem fjallar um leigumorðingja frá New Orleans og rannsóknarlögreglumann frá Washington D.C. sem að taka höndum saman til þess að fella sameiginlegan óvin þeirra en þessi óvinur varð félögum þessara tveggja manna að bana.