Savages

Vinirnir Ben (Johnson) og Chon (Kitsch) eru athafnamenn í Laguna Beach og græða á tá og fingri á að selja eitt besta maríjúana sem ræktað hefur verið. Þeir deila líka með sér sömu konunni, hinni gullfallegu Opheliu (Lively), og búa í vellystingum í litlum bæ í Suður Kaliforníu. Einn daginn flytur Mexíkóskur eiturlyfjahringur starfsemi sína til bæjarins og heimtar að þríeykið fari með sér í viðskipti. Hugmyndin fær lítinn hljómgrunn frá þeim félögum, og því ákveður hin vægðarlausa Elena (Hayek), forsprakki eiturlyfjahringsins, að ræna Opheliu til að neyða Ben og Chon til samstarfs. Þeir taka því ekki þegjandi og segja eiturlyfjahringnum stríð á hendur.