Hvað Er Svona Merkilegt Við Það?

Hvað er svona merkilegt við það? er ný heimildarmynd sem fjallar um hin róttæku kvennaframboð sem birtust á stjórnmálasviðinu á Íslandi á níunda áratug síðustu aldar auk þess að koma vítt og breitt við í nútímanum. Kvennaframboðin voru merkilegt framtak í íslenskri stjórnmálasögu og hafa haft óumdeilanleg áhrif á íslensk stjórnmál, pólitískar áherslur og hugmyndir okkar um vald síðan þau komu fram á sjónarsviðið. Margir þjóðþekktir einstaklingar koma fram í myndinni sem að auki státar af frábærri tónlist og skapandi lausnum. Myndin vann Einarinn á síðustu Skjaldborgarhátíð og var tilnefnd til verðlauna á Nordisk Panorama 2015.