The Show of Shows

Einstök heimildamynd sem segir sögu farandskemmtikrafta í gegnum einstakt myndefni og nýja tónlist frá meðlimum hljómsveitarinnar Sigur Rós. Í myndinni er að finna áður óséð efni frá Íslandi og Jóhanni risa. Benedikt Erlingsson er leikstjóri og handritshöfundur myndarinnar. Myndin hefur hlotið frábæra dóma og fékk núna síðast 4 stjörnur frá gagnrýnanda Time Out í Bretlandi. Þar er henni lýst sem töfrandi samantekt á einstöku efni sem sýnir líkamlega hæfni sýningarfólks ásamt því að varpa ljósi á sérstakt samfélag þeirra. Tónlistin í myndinni fær einnig mikið lof. The Show of Shows hefur átt mikilli velgengni að fagna víða um heim og hefur verið boðið á fjölda hátíða. Aðalframleiðendur myndarinnar eru Margrét Jónasdóttir fyrir Sagafilm og Mark Atkin fyrir Crossover LAB. Heather Croall er framleiðandi fyrir Crossover og Vanessa Toulmin er meðframleiðandi.