Die Zauberflöte (2017)

James Levine, tónlistarstjóri Met, stýrir uppfærslu Tony-verðlaunahafans Julie Taymor á Töfraflautunni, meistaraverki Mozarts. Golda Schultz kemur fram í fyrsta sinn fyrir Met í hlutverki Pamínu og Kathryn Lewek leikur Næturdrottninguna. Charles Castronovo leikur ævintýraprinsinn Tamínó, Markus Werba er fuglafangarinn Papagenó, Christian Van Horn er presturinn og René Pape fer með hlutverk Sarastros. Hátíðarútgáfan af Töfraflautunni, sem sungin var á ensku í styttri útgáfu, var fyrsta verkið sem sýnt var í beinni á vegum Met, en í þetta sinn fær óperan að njóta sín í fullri lengd á þýsku.