Akhnaten

Leikstjórinn Phelim McDermott tekst hér á við annað meistaraverk eftir Philip Glass í kjölfar vel heppnaðrar uppsetningar Met á Satyagraha. Anthony Roth Costanzo fer með hlutverk faraósins, leiðtogans sem gjörbreytti Egyptalandi til forna, en J’Nai Bridges messósópran kemur fram í fyrsta sinn fyrir Met í hlutverki eiginkonu hans, Nefertiti. Á sviðinu er fjölhæfur hópur loftfimleikafólks, en hreyfingar þess falla vel að dáleiðandi og framandi tónlist Glass og skapa einstakt sjónarspil. Karen Kamensek stjórnar hljómsveitinni í fyrsta sinn fyrir Met.