Bad Boys for Life

Það eru liðin sextán ár síðan æskuvinirnir og lögreglufélagarnir Marcus Burnett og Mike Lowrey börðust síðast við eiturlyfjabaróna og annan óþjóðalýð í Miami og er óhætt að segja að þeir hafi hægt á sér að undanförnu enda báðir komnir nálægt því að fara á eftirlaun. En skyndilega er friðurinn úti! Albanskur málaliði skýtur upp kollinum, staðráðinn í að hefna bróður síns sem féll í einum skotbardaganum við þá félaga. Og við þeirri vá verða þeir auðvitað að bregðast.