The Nest

Rory er metnaðarfullur frumkvöðull og fyrrum verðbréfasali, sem sannfærir bandaríska eiginkonu sína, Allison, og börn þeirra, um að yfirgefa þægilegt líf í úthverfi í Bandaríkjunum, og flytja til heimalands hans Englands, á níunda áratug tuttugustu aldarinnar. Rory gengur aftur til liðs við gamla vinnustaðinn, og leigir gamalt sveitasetur, þar sem Allison getur ræktað hesta. Fljótlega fara áætlanir um bjarta framtíð að riðlast, og hjónin þurfa að horfast í augu við óþægilegan sannleika sem lúrir undir yfirborðinu í hjónabandi þeirra.