Macbeth

Tvö af fremstu listafólki óperuheimsins snúa aftur í The Met: Live in HD í hinni spennuþrungnu útfærslu Verdis á hinni ódauðlegu sögu Shakespeares um metnaðarfull hjón sem eru staðráðin í að komast til valda hvað sem það kostar. Eftir glæsilegan feril í mörgum af þekktustu barítónhlutverkum Verdis fer Quinn Kelsey með hlutverk skoska konungsins, sem kvalinn er af vofum þeirra sem féllu fyrir valdatöku hans með morðum. Gegnt honum syngur Lise Davidsen – fremsta dramatíska sópransöngkona heims um þessar mundir – hina valdasjúku Lady Macbeth, en eyðileggjandi metnaður hennar verður þeim báðum að falli. Listrænn stjórnandi Metropolitan-óperunnar, Yannick Nézet-Séguin, stjórnar hljómsveitinni í áhrifamikilli uppfærslu Louisa Proske, ungs og glæsilegs leikstjóra sem hefur vakið mikla athygli víða um heim. Með í þessari úrvalsliðsskipan eru einnig tenórinn Freddie De Tommaso í hlutverki hins hugrakka Macduffs og bassabarítóninn Ryan Speedo Green sem Banquo, vinur Macbeths sem verður fórnarlamb valdabaráttu hans.