Leita

Höfundur: Giuseppe Verdi

Endursýnd miðvikudaginn 7. febrúar Höfundur: Georges Bizet Sagan af falli Don José, auðtrúa hermanns sem tælist af brögðum hinnar eldheitu sígaunakonu Carmen.

Leikstjórinn Francois Girard snýr aftur í Metropolitan óperuna með nýja uppfærslu á Lohengrin sem virkar eins og framhald af uppfærslu hans af Parcifal frá 2013. Yannick Nézet-Séguin stjórnar hljómsveitinni í Wagner viðburði þessa tímabils.

Höfundur: Umberto Giordano Bein útsending

Anna Netrebko tekur hér í fyrsta sinn að sér hlutverk Adriönu Lecouvreur, frægrar leikkonu á 18. öld sem fellur fyrir stríðshetjunni Maurizio, en Piotr Beczała syngur hlutverk hans. Gianandrea Noseda stjórnar hljómsveitinni í þessum harmleik eftir Cilea og Sir David McVicar leikstýrir, en sviðið er að hluta til endurgerð af barokkleikhúsi.

Bertrand de Billy stjórnar hljómsveitinni í þessari endurnýjuðu uppfærslu af Luisu Miller, sem hefur ekki verið sett á svið hjá Met síðan 2006. Sonya Yoncheva fer með hlutverk sveitastelpunnar Luisu og Piotr Beczala leikur Rodolfo í þessum harmleik Verdis um unga konu sem fórnar eigin hamingju til að reyna að bjarga lífi föður síns.

Eftir glæsilega frammistöðu í Eugene Onegin fyrir Metropolitan tekur Anna Netrebko að sér hlutverk annarrar kvenhetju Tsjaíkovskíjs í fyrri óperunni af tveimur þetta kvöld, en það er heillandi ævintýrið Iolanta. Í kjölfarið verður fluttur erótíski sálfræðitryllirinn Duke Bluebeard‘s Castle.

Stórkostlega sópransöngkonan Renée Fleming snýr aftur í einu af sínum vinsælustu hlutverkum, þar sem hún syngur heillandi ,,Tunglsönginn“ í fallegri ævintýraóperu Dvoráks. Tenórinn Piotr Beczala fer með hlutverk prinsins, Dolora Zajick leikur Jeziböbu og kraftmikli ungi meistarinn Yannick Nézet-Séguin stýrir hljómsveitinni.

Anna Netrebko og Mariusz Kwiecien fara með hlutverk hinnar ástríku Tatjönu og hins hrokafulla Onegíns í rómantísku stórverki Tsjajkovskís. Í nýrri sviðsetningu Deboruh Warner er atburðarásin færð til loka 19. aldar. Sagan færist úr sveitabænum yfir í veislusalinn og kraftmikill snjóbylur veitir dramatíska umgjörð fyrir lokaþáttinn.

Leikstjórinn Michael Mayer hefur fært þessa frægu harmsögu Verdis til Las Vegas árið 1960. Þessi uppfærsla er innblásin af sögum um rottugengi Franks Sinatra og félaga.