Leita

Unga og ævintýragjarna hafmeyjan Ariel gerir samning við nornina Ursulu um skipti á fagurri söngrödd sinni fyrir mennska fótleggi svo hún geti kannað heiminn ofansjávar og stigið í vænginn við prinsinn Eric.

Ofurvenjulegt líf Carol Peters breytist skyndilega þegar hún fer allt í einu að heyra einkennilegar raddir úr sjónvarpinu, símanum, örbylgjuofninum og fleiri heimilistækjum. Er hún að missa vitið? Í raun hefur hún verið valin til að prófa fyrstu gervigreindar-ofurvitsmunina, og smátt og smátt yfirtekur þetta líf hennar.

Eiginkonur glæpamanna í Hell´s Kitchen hverfinu í New York á áttunda áratug síðustu aldar, halda áfram með glæpastarfsemi eiginmannanna á meðan þeir sitja í fangelsi.

Þegar draugaplága byrjar að gera Manhattan-búum lífið leitt kemur það í hlut rithöfundanna Erinar og Abby að bregðast við og það fyrsta sem þær gera er að fá í lið með sér neðanjarðarjárnbrautarvörðinn Patty og kjarneðlisfræðinginn Jillian. Þær eiga í höggi við hinn illa púka Rowan sem fer m.a.

Viðskiptaþjarkurinn Michelle Darnell er send í fangelsi fyrir hlutabréfasvik. Eftir að hafa afplánað dóm sinn telur hún ekki vera eftir neinu að bíða en að skapa sér nýja ímynd og vinna hjörtu allra í kringum sig. Aftur á móti eru allir þeir sem hún svindlaði á ekki eins opnir fyrir því að leggja fortíðina til hliðar.

Myndin fjallar um konu sem hefur farið í gegnum þjálfun hjá leyniþjónustunni CIA en vinnur á bakvið tjöldin og leiðbeinir dæmigerðum James Bond njósnara í gegnum verkefni sem hann er að vinna. En þegar eitthvað kemur fyrir hann, þá neyðist hún til að fara sjálf á vettvang og leysa málin.

Oliver, sem er nýfluttur í nýtt hús í nýju hverfi ásamt fráskilinni móður sinni, stofnar til kynna við nágranna sinn, hinn kærulausa og blanka, fyrrverandi hermann og einbúa, Vincent de Van Nuys. Vincent er í ekkert allt of góðum málum út á við, blankur og svona, og er því frekar önugur og leiður. Hann er samt alveg ágætur náungi inn við beinið.

McCarthy leikur konu sem fer í ferðalag með ömmu sína, sem leikin er af Susan Sarandon, í eftirdragi, eftir að hún missir vinnuna og eiginmaðurinn fer frá henni.

Tvær lögreglukonur sem eru eins ólíkar og svart og hvítt, bæði í útliti og háttum, neyðast til að vinna saman og um leið þola hvor aðra. Þær Sarah og Shannon beita mismunandi aðferðum í starfi og virðast við fyrstu sýn ekki eiga neitt sameiginlegt, enda kemur þeim ekki beint vel saman þegar þær hittast í fyrsta skipti.

Úlfahjörðin snýr aftur í fyndnustu og trylltustu Hangover-myndinni til þessa. Farið er eftir allt annarri formúlu en seinast. Í þetta sinn er ekkert brúðkaup og engin steggjun - bara ósköp venjulegt bílaferðalag. Hvað gæti mögulega farið úrskeiðis?