Inception - 10 Year Re-Issue

Stórmyndin Inception frá leikstjóranum Christopher Nolan er væntanleg aftur í bíó 31. júlí í tilefni þess að 10 ár eru liðin síðan hún var frumsýnd. Á undan myndinni verða sýnd brot úr Tenet, viðtal við Christopher Nolan og sýnishorn úr væntanlegum myndum frá Warner Bros.

Dom Cobb er hæfileikaríkur þjófur og sá allra besti í þeim hættuleik að stela verðmætum leyndarmálum djúpt innan úr huga fólks þegar það er í draumsvefni. Þessi sjaldgæfi hæfileiki Cobbs hefur gert hann mjög eftirsóttan í heimi iðnaðarnjósna, en að sama skapi hefur þetta orðið til þess að hann er nú eftirlýstur flóttamaður og hann hefur fórnað öllu sem hann hefur elskað. Nú er Cobb boðið tækifæri til að snúa til baka og fá uppgjöf saka. En hann þarf að vinna eitt loka verkefni, sem er nánast ógjörningur að vinna. Verkefnið hans og liðsmanna hans felst í að gera hið gagnstæða, þ.e. ekki að stela hugmyndum heldur að koma einni slíkri fyrir. Ef þeim tekst ætlunarverkið gæti þetta orðið hinn fullkomni glæpur. En í raun getur ekkert búið þá undir þann stórhættulega óvin sem nú fylgist með hverju skrefi þeirra.