Leita

Sópransöngkonan Hui He fer með hlutverk harmrænu geisjunnar og Andrea Carè leikur bandaríska flotaforingjann sem yfirgefur hana. Giorgio Morandi stjórnar hljómsveitinni. Þessi mikilfenglega uppfærsla Anthonys Minghella slær alltaf í gegn hjá áhorfendum.

William Kentridge kom eins og ferskur vindur inn í Metropolitan-óperuna með frumlegri uppsetningu á þessari óperu Sjostakovítsj, sem heillaði óperu- og listunnendur þegar hún var frumsýnd árið 2010. Nú er Paulo Szot kominn aftur í hlutverk kerfiskarlsins sem lendir í ótrúlegum ævintýrum í leit að týndu nefi sínu.